Јавно претпријатие „Пазари“ – Битола

За многу посетители, разгледувањето на Битола е насочено кон посета на старата битолска чаршија заедно со централниот градски пазар, локација која претставува историското наследство на градот.

Јавното претпријатие “Пазари“ Битола е основано во далечната 1952 година како претпријатие кое функционира се до денес од сопствени извори на средства, односно со самофинансирање. Во рамките на својот делокруг на работа покрај издавање и управување со сопствен недвижен имот, се занимава и со производство на електрична енергија. Претпријатието се состои од четири пазари и тоа МААС пазар во централно гадско подрачје, нов реонски пазар, Зелен пазар и Сточен пазар. Располага со недвижен имот со над 1365 м2 и тоа административна зграда, 25 деловни објекти од кои 3 слободни и 22 издадени, и 600 продажни места во форма на тезга за продажба на земјоделски производи и текстил. Пазарот кој се наоѓа во централно градско подрачје е распространет на 7000 м2.

Јавното претпријатие “Пазари“ Битола е во сопственост на единствениот јавен градски пазар во регионот а со тоа и граѓаните на тие општини го користат како единствена можност за продавање на своите производи и единствен начин за равој на малиот бизнис од кој според нашите анализи егзистираат над 600 фамилии односно повеќе од 2000 граѓани во регионот. Јавното претпријатие “Пазари“ Битола е локација каде граѓаните од 4 општини се насочени за продажба и за купување на земјоделски и други производи.

Основна дејност е обезбедување непречени услови за работа на клиентите но исто така и обезбедување и подобрување на условите од својата дејност за граѓаните.

Според направените анализи во централното градско подрачје, односно маас пазар, фреквенцијата на граѓани достигнува и до 2000 посетители во пазарен ден. Со тоа вкупен број на посетители во пазарните денови односно граѓани и клиентите кои користат простор под закуп за продавање на производи достигнува над 2 500 граѓани, додека во нѐ пазарни денови фреквенцијата на граѓаните кои гравитираат во централниот градски пазарен регион достигнува до 1000 граѓани.